доизбара | св.
Бара нешто до крај, пребара. Ги доизбарав сите податоци, но не го сретнав тој што ми требаше.
доизбања | св.
Заврши со бањањето на некого. Го доизбања детето и го стави в постела.
доизбелее | св.
Избелее уште повеќе, сосема. Ги доизбелеавме маиците чувајќи ги на сонце. Платното доизбелеа од многу перење.
доизбели | св.
Пере нешто бело (обично ткаенина) до целосно обелување, исчистување. Ги доизбели јамболлиите, па ги спростре крај брегот да се сушат.
доизбере | св.
Заврши со избирањето. Вчера ги доизбравме народните пратеници уште во останатите неколку пункта.
доизбистри | св.
За вода, течност или раствор – направи да се избистри до крај, сосема. Рибата чистач ја доизбистри водата во аквариумот.
доизбичи | св.
Избичи сѐ што останало, до крај.
доизблуе | св.
Поврати сѐ, до крај, заврши со повраќањето.
доизбрише | св.
Избрише до крај, сосема. Ученикот ја доизбриша таблата.
доизбрка | св.
Ги брка сите, до еден. Сосетката ги доизбрка кокошките од нејзиниот двор.
