домен | м.
Подрачје, област, сфера на некое знаење, наука, работа и сл. Тоа е од доменот на правната материја. Сказната не му припаѓа на доменот на фантастичното, туку на доменот на чудесното.
домери | св.
Заврши со мерењето, измери до крај. Домери ги вреќите со брашно.
домеси | св.
Заврши со месењето. Го домесив тестото.
домет | м.
Далечина до која може да се дофрли или да се дофати нешто. Потерата наближи на домет.
домеша | св.
Меша, измеша сѐ, до крај. Ја домешав салатата.
домие | св.
Заврши со миењето. Ги домив чиниите.
доминанта | ж.
Главен мотив, основна идеја, основна карактеристика. Љубовта е доминанта во сите негови песни.
доминантен | прид.
Што доминира, преовладува над другите; што е главен, најважен. Народните песни се доминантен дел на нашето народно поетско творештво. Од повеќе светилки избиваше светлина во разни бои од кои доминантна беше црвената. Ние ги имавме заземено доминантните позиции.
доминација | ж.
Власт, владеење, надмоќност. Под нивна доминација биле и повеќе други мали острови.
Доминика | ж.
Островска држава во Карипското Море. Доминиканец, Доминиканка, Доминиканци етн.
