доора | св.
Заврши со орањето, изора до крај. Ги ораше браздите што не успеа да ги доора татко му.
доостри | св.
Остри, изостри до крај. Доостри го моливчето!
доотвори | св.
Отвори нешто до крај. Радосно ја доотворил портата. Ги доотвори очите.
дооформи | св.
Оформи нешто до крај. Брзо ја дооформи сликата.
допаѓа | св.
За лисје и сл. – испаѓа до крај. Допаѓаа сите лисја на липата.
допадлив | прид.
Што е убав, привлечен, симпатичен. Косата ѝ беше свиена во допадлива фризура. Под него се постилаше допадлива глетка.
допадне | св.
Ми се бендиса, (ми) остави убав, силен впечаток. Ни малку не му се допадна оваа глетка. Девојката многу му се допадна. Ми се допаднаа неговите манири.
допадне | св.
Дојде, стигне неочекувано, одненадеж. Во одајата допадна едно дете. Како допадна ти овдека?
допара | св.
Распара до крај, целосно. Ги допара чорапите.
допасе | св.
Престане да пасе, заврши со пасењето. Воловите допасоа и тој ги потера кон дома.
