датум | м.
Точно календарско време (ден, месец, година) на некој настан. На кој датум си роден?
Даутица | ж.
Планина во Македонија.
дафина | ж.
Зелено ниско украсно дрво со ароматични листови што се употребуваат како зачин; лавор, ловор; лорбер; Laurus nobilis.
дафинов | прид.
Што е од дафина., што се однесува на дафина. Дафиново дрво. Дафинов лист.
дајре | ср.
Ориентален музички инструмент во облик на обрач со затегната кожа од едната страна и со тркалезни метални плочки што ѕвечкаат при удирање. Се слушаа звуците од тамбурата, ударите по дајрињата и маалските љубовни песни. Лазарката се крши со дајрето. Две мечки играа по тактот на дајрето.
дајреџија | м.
Лице што тропа на дајре. Дајреџијата удираше во дајрето.
два | бр.
Основен број поголем за една единица од еден; се бележи со бројката „2“.
дваесет | бр.
Основен број, двапати поголем од десет; се бележи со бројката 20. Сто и дваесет, дваесет и еден, дваесет и први, дваесет и петгодишен.
дваесет- | претс.
Прв дел од сложени придавки и именки кој покажува дека од тоа што го означува основата во другиот дел од сложенката има дваесет: дваесетгодишен, дваесетгодишник, дваесетгодишнина.
дваесетина | бр.
Околу дваесет. Се немаа видено дваесетина години. Се собраа дваесетина селани.
