дресина | ж.

Количка на четири тркала, со рачен или моторен погон што се движи по железнички шини. Стара дресина.

дресира | св. и несв.

Изврши, врши дресура. Тој дресираше две мечки.

дресура | ж.

Скротување или обука на животни заради определена цел (лов, циркус, војска и сл.) Се занимаваше со дресура на мајмуни.

дречи | несв.

Паѓа в очи, се истакнува. Фустанот ѝ дречеше.

дречлив | прид.

Што е впечатлив или многу се истакнува. Дречлив глас. Дречлива музика. Дречливи бои.

дрешка | ж.

држава | ж.

Политичко-правна, меѓународно призната, суверена општествена заедница со свои органи за остварување на законодавната, извршната и судската власт, организирана на определена територија.

државен | прид.

Што припаѓа, што се однесува на држава. Државно знаме. Државен орган. Државни пари. Државен интерес.

државјанин | м.

Припадник на една држава. Македонски државјани.

државјанство | ср.

Припадност кон определена држава. Македонско државјанство.