дупи | несв.
Прави, отвора дупка во нешто. Го дупеа ѕидот со клинец. По вторпат ги дупев ушите.
дупка | ж.
Отвор во нешто или низ нешто. Дупка во ѕидот. Дупка на ракавот.
дупка | несв.
Дупи по малку, во помала мера; Ако си ги дупкам прстите, да има за кого. Го дупкаше магарето под опашката за да побрза.
дупли | прид.
Што е двојно поголем, двојно повеќе од вообичаеното; двоен. Дупла надница. Дупла мастика. Дупло дно.
дупликат | м.
Копија, втор примерок што е ист со оригиналот според содржината, формата и сл. Клучот има дупликат. Направив дупликати од сите поважни документи.
дуплира | св. и несв.
Удвои, удвојува, зголеми, зголемува двојно. Го дуплиравме нашиот влог. Тој секој клас го дуплира.
дупнатинка | ж.
Малечок отвор, шуплина во нешто. Дупнатинки на дрвјата.
дупне | св.
дупи_1_2_4_5_7
дупчалка | ж.
Машина за дупчење, за правење дупки. Електрична дупчалка. Дупчалка со дијамантски врв.
дупчало | ср.
Алат што служи за дупчење, шило. Дупчалото служи за дупчење на рамките.
