дестинација | ж.
Крајна цел, одредиште, место до кое се патува. Крајна дестинација.
деструктивен | прид.
Разурнувачки, уништувачки; Деструктивен процес. Деструктивна појава. Деструктивно дејство. Деструктивно влијание. Деструктивни сили.
деструкција | ж.
Рушење, разурнување, уништување. Тотална деструкција. Се спротивставуваме на сите деструкции.
детален | прид.
Подробен, поединечен, прецизен, исцрпен. Детален план. Детален каталог. Детален опис. Детална разработка. Детални информации.
детализира | св. и несв.
Наведе, наведува нешто до ситници.
детаљ | м.
Ситница, подробност, поединечност, составен дел од целина. Еден детаљ. Многу детали. Кажува (во) детали.
детант | м.
Попуштање на напнатоста во меѓународните односи, намалување на опасноста од војна.
дете | ср.
Човечко суштество во раниот период од својот развој, од раѓање до пубертет; момче или девојче во рана возраст. Дете годиначе. Мало дете. Сите деца се исти.
детектив | м.
Лице што истражува прекршоци, злосторства, убиства и сл.; припадник на тајна полиција или на приватна известувачка агенција, таен агент. Приватен детектив.
детектира | св. и несв.
Открие, открива, согледа, согледува, воочи, воочува. За среќа навреме ги детектиравме аномалиите во развитокот на плодот.
