дефинира | св. и несв.
Даде, дава дефиниција на некој поим; начин на кој нешто ќе функционира, определи, определува, објасни, објаснува некој поим. Ја дефинира фонемата. Ги дефинира задачите. Тој период го дефинираат како најмрачен. Ги дефинира своите ставови.
дефиниран | прид.
Што е определен, што е објаснет. Дефинирани задачи. Дефиниран план на развојот на селото.
дефинитивен | прид.
Конечен, решавачки, заклучен. Дефинитивен облик. Дефинитивна верзија. Дефинитивна одлука. Дефинитивна форма. Дефинитивно решение.
дефиниција | ж.
Збиено, јасно и разбириливо објаснување на некој поим со кое се искажува суштината. Изведува дефиниција. Општа дефиниција. Концизна дефиниција. Куса дефиниција.
дефицит | м.
Кусок во благајната или на сметката. Дефицит од неколку милиони денари.
дефицитарен | прид.
Што е во загуба, што покажува кусок, што има повеќе давачки одошто примања; дефицитен.
дефицитен | прид.
Што е во загуба;
дефлаторен | прид.
Што се однесува на дефлација, што предизвикува дефлација. Дефлаторни движења. Дефлаторна политика.
дефлација | ж.
Намалување на количеството пари во оптек заради зголемување на нивната куповна вредност;
деформација | ж.
Промена на нормалниот облик на некое тело под некакво влијание; изменетост, изобличеност, искривеност. Големи деформации. Различни деформации.
