еднонадруго | прил.
Едно врз друго, едно преку друго, без ред. Ги нафрла еднонадруго.
еднонасочен | прид.
Што има само една насока. Еднонасочен пат. Еднонасочна улица. Еднонасочно движење.
еднонеделен | прид.
Што трае или што има само една недела.
едноног | прид.
Што има само една нога. Едноног инвалид.
еднообразен | прид.
Едноличен, постојано ист. Еднообразни вежби. Еднообразна програма.
едноок | прид.
Што има само едно око.
еднопартиски | прид.
Што има само една партија. Еднопартиски систем. Еднопартиско управување.
едноплеменик | м.
Припадник на исто племе.
едноподруго | прил.
Во низа или редослед едно по друго, непрекинато. Три ноќи едноподруго.
еднопрежен | прид.
За запрежна кола – што е со едно впрегнато животно.
