емоционален | прид.
Својствен на емоција, предизвикан од емоција.
емпиризам | м.
Филозофски правец според кој само со опит, со искуство се доаѓа до спознанието.
емпирија | ж.
Знаење добиено низ практично искуство, потврдено преку практиката; искуство.
емпиричар | м.
Приврзаник на емпиризмот; тој што ја зема емпиријата за основа на работата. Емпиричарите се докажаа во областа на хемијата и на физиката.
емулгатор | м.
(хем.) Средство што се додава за да се добие емулзија од две течности. Овој производ е без емулгатор.
емулзија | ж.
Течност во која се наоѓаат нерастворени ситни капки од друга течност.
емфаза | ж.
Восхит, занес, воодушевување.
емфатичен | прид.
Нагласен, возвишен.
ендезе | ср.
Мерка за должина еднаква на 65 цм.; лакот.
ендек | м.
Окоп, прокоп, ров.
