задружен | прид.
Што е во сопственост на задруга, што се однесува на задруга. Задружна работилница. Задружно бачило. Задружно стопанство. Задружен дом.
задршка | ж.
Задржување, застој, повремено запирање на нормалното одвивање или работа на нешто. Бројте до три со задршка на воздухот. Со големи задршки, колата продолжуваше да се движи напред.
задув | м.
Астма. Боледуваше од задув.
задува | св.
Почне да дува; Задува силен и студен ветер.
задувка | св.
Почне да дува по малку, во помала мера. Одвреме-навреме ќе задувкаше свежина од шумата.
задужбина | ж.
(истор.) Градба (обично црква, манастир) подигната за душа и во спомен на основачот. Ги обиколи сите свети места и задужбини.
задума | св.
запомни, запамети.
задуман | прид.
Што е замислен. Седна до нив задуман. Задумано дете.
задумани (се) | св.
Се крене облак од прав, се запраши; Се задумани од силниот ветар.
задумка | св.
Почне да думка; Задумка по барабанот. Го задумка детето.
