инвентивен | прид.
Што се одликува со творечки дух, што создава и пронаоѓа нешто ново, што има нови идеи; досетлив, креативен.
инвенција | ж.
Способност за откривање, за пронаоѓање, творечка фантазија; досетливост. Од ученикот се бара поголема инвенција при раскажувањето, зашто раскажувањето е креативна активност.
инверзија | ж.
Преместување, префрлување, превртување.
инвестира | св. и несв.
Вложи, вложува средства, капитал во некоја работа, во претпријатие, наука, култура и сл.
инвеститор | м.
Лице или организација, претпријатие итн. што инвестира во нешто. Оваа година очекуваме да вложат во нашата земја повеќе странски инвеститори.
инвестиција | ж.
Вложување капитал, средства во некоја работа. Најголема инвестиција за оваа година.
ингениозен | прид.
Што е неверојатно духовит, остроумен, досетлив, способен, талентиран. Тоа е навистина ингениозно решение.
ингеренција | ж.
Влијание, надзор над нешто; посредување, учество во некоја работа. Во нашата држава премиерот има најголеми ингеренции.
Инд | м.
Река во Индија.
индекс | м.
Попис, список, регистар по определен ред на поими, имиња и на други податоци во книгите. Индекс на користена литература.
