индивидуа | ж.
Секое одделно живо суштество; единка. Секоја индивидуа е неповторлива приказна за себе.
индивидуален | прид.
Што е својствен, карактеристичен за една индивидуа. Индивидуален стил. Индивидуален придонес.
индивидуализам | м.
Принцип според кој поединецот има право да ги става своите интереси над интересите на колективот; издвојување на поединецот во општеството.
индивидуализација | ж.
Изделување, издвојување на одредена личност од колективот, на појава или предмет според определени карактеристики. Кај овој писател се забележува отпорот кон претераната индивидуализација на ликовите.
индивидуализира | св. и несв.
Одвојува некого или нешто од другите според определени особености.
индивидуалист | м.
Лице што е приврзаник на индивидуализмот.
индивидуалистички | прид.
Што се однесува на индивидуализам и на индивидуалист.
индивидуалитет | м.
Збир на особини со кои се разликува единката од сите други единки од својот вид. Македонски национален индивидуалитет.
индивидуум | м.
индигнација | ж.
Негодување, лутина, огорченост, презир. Со индигнација ја отфрлам оваа невистина и клевета.
