информатор | м.
Лице што информира, што известува; за нешто; известувач.
информација | ж.
Податок за некој факт, соопштение, известување, извештај за нешто. Немаме точни информации кога и каде се родил. Побарав детални информации за неговото минато.
Информбиро | ср.
Информационо биро ‒ советодавно и директивно тело за меѓусебна соработка на поголем број комунистички партии, основано во 1947 година, во Варшава.
информбировец | м.
Приврзаник на политиката на Информбирото.
информбировски | прид.
Што се однесува на Информбиро и на информбировец.
информира | св. и несв.
Даде, дава некому информација. Веднаш ме информира за промената на планот.
информираност | ж.
Особина на тој што е информиран.
инфразвук | м.
Звучни бранови чијашто честота на треперење е толку мала што не може да го прими човековото уво.
инфраструктура | ж.
Основни материјални услови, сите технички средства и системи, објекти и постројки (сообраќајници, енергетски системи, станбени објекти, патишта, водовод, канализација, трговска мрежа итн.) што се неопходни за развој на стопанството и што го обезбедуваат квалитетот на живеењето.
инфраструктурен | прид.
Што се однесува на инфраструктура. Инфраструктурни објекти.
