иредентизам | м.
Движење и тенденција на националните малцинства да се присоединат кон земјата матица заедно со териториите каде што живеат во друга земја; иредента.
иредентист | м.
Приврзаник на иредентизмот.
ирелевантен | прид.
Што нема важност, безначаен, спореден. Тоа е ирелевантен фактор за мене.
иригатор | м.
Сад со гумена цевка што служи за измивање на внатрешни органи на телото.
иригационен | прид.
Што се однесува на иригација. Иригационен систем.
иригација | ж.
Наводнување на обработливата земја заради поголема плодност со помош на систем од канали.
иридере | ср.
Вид килим со прави линии во различни бои.
иридиум | м.
Хемиски благороден елемент сличен на платина, отпорен на хемиски влијанија; симбол Ir.
ирис | м.
(анат.) Предниот обоен дел на окото околу зеницата.
ирит | м.
Попречна хоризонтална греда на мутавџиски разбој.
