искака (се) | св.
искалапи | св.
Заврши со калапењето (најчесто тутун). Го искалапивме тутунот.
искалеми | св.
Заврши со калемење. Дедо ми ги искалеми крушите.
искали | св.
Изврши калење на железо.
искалоса | св.
Извалка со кал. Си ги искалоса чевлите.
искамчи | св.
Постигне нешто, извлече нешто од некого со постојани и наметливи молби. Се обидов да искамчам одговор од неа. Искамчи малку пари од својот татко.
искамшикува | св.
Со камшикување натепа, казни некого. Го искамшикуваа пред сите.
искандира | св.
Прочита јасно нагласуваќи ги зборовите; извика парола; скандира. Откако ја искандира песната, зеде здив.
искап | прил.
До последна капка, докрај. Ја испи чашата до искап. Силите ми беа на искап.
искапе 1 | св.
Мајката го искапе девојчето.
