ислика | св.

Направи повеќе слики (цртежи, фотографии) до крај. Го ислика филмот и го даде на развивање.

ислужен | прид.

а) Што завршил со службата. б) (разг., пејор.) Што го минал работниот век, некорисен, неспособен. Тој беше веќе стар и ислужен.

ислужи | св.

Отслужи некоја служба. Младичот ја ислужи војничката служба пред две години.

ислуша | св.

Сослуша до крај (предавање, раскажување, концерт итн.).

исмее | св.

Направи шега, подбив со некого; иронично, зајадливо зборува за нешто. Тој ја исмеа и понижи пред сите. Ја исмеа мојата наклоност кон неа.

исонча (се) | св.

испад | м.

Непријатно, непријателско истапување против некого; непристојна, лоша постапка. Постојано правиш некакви испади. Се срамеше поради испадите на својот син.

испади | св.

Избрка, истера, изгони некого. Ја испади жената од дома навредувајќи ја со погрдни зборови.

испадне | св.

Падне од внатрешноста на нешто. Детето испадна од возот.

испазари | св.

Напазари, накупи многу, полно.