испогледа | св.
Многу изгледа некого. Го испогледа од глава до петици.
испогмечи | св.
Изгмечи во голема мера, сè. Со велосипедот ги испогмечи лалињата.
испогуби | св.
Изгуби повеќе нешта. Ги испогуби сите клучеви. Ги испогуби овците низ планината.
исподави | св.
Удави повеќемина. Ги исподавија мачињата.
исподвлече | св.
Подвлече повеќе места во текст. Исподвлече сè што мислеше дека е важно.
исподели | св.
Подели нешто на многу делови. Тој го исподели лепчето на сите деца.
испожари | св.
Предизвика пожар, запали нешто. Им ги испожарија куќите.
испожени | св.
Ожени повеќемина (синови). Тој ги испожени синовите.
испозаборави | св.
Заборави многу нешта. Само што излезе од вратата испозаборави сè за што зборувавме.
испозагине | св.
Падне во борба ‒ за повеќемина. Десетина борци испозагинаа во вчерашната битка.
