испомеша | св.
Многу измеша нешто. Ги испомеша работите. Ги испомеша имињата.
испомине | св.
Помине големо растојание. Од утрово до сега долг пат испоминав.
испомоча | св.
Измоча нешто, облее со моч.
испомрзне | св.
Измрзне во голема мера. Тој дојде испомрзнат. Оваа пролет кајсиите испомрзнаа.
испонареди | св.
Нареди повеќе нешта, нареди сè. Ги испонареди масите со секакви јадења.
испоначичка | св.
Начичка, насобере многу нешта на тесен простор, во несоодветно нешто. Ја испоначичка облеката во куферот.
испоникне | св.
Никне во голем број, премногу. По дождот испоникнаа печурки. Испоникнаа цвеќиња во дворот.
испообеси | св.
Обеси во голем број (луѓе, предмети).
испоотвори | св.
Отвори повеќе нешта. Ги испоотворија сите врати.
испопаѓа | св.
Испаѓа во голема мера. Лисјата на оревот сосема испопаѓале.
