испопрска | св.
Испрска во голема мера. Тој ги испопрска минувачите со цревото.
испопука | св.
Испука на многу места, добие многу пукнатини. Ѕидовите од старата куќа испопукале.
испоразбуди | св.
Разбуди повеќемина. Се развика и ги испоразбуди сите што беа во куќата.
испоразлее | св.
Разлее во големо количество. Маслото се испоразлеа по масата.
испоразрани | св.
Разрани некого во голема мера. Чевлите му ги испоразранија стапалата.
испорака | ж.
Доставување, предавање на нешто купено или нарачано. Испораката ја вршиме за два часа.
испорани | св.
Рани на повеќе места, во голема мера. Бил испоранет и лесно го заплениле.
испораскине | св.
Раскине нешто на многу парчиња. Кучето му ги испораскина фармерките.
испорача | св.
Изврши испорака, достави нешто. Поштарот ги испорача сите писма.
испорачувач | м.
Лице или организција што испорачува.
