испотепа | св.
Натепа повеќемина, сите. Беше лут и сите ги испотепа.
испоти | св.
Направи некој да се облее со пот. Работата нè испоти.
испотпише | св.
Потпише, стави потпис на повеќе документи. Испотпиша сè што му донесоа и излезе.
испотрие | св.
Истрие во голема мера. Си го испотри грбот од ѕидовите чекајќи да го примат на разговор.
испотурчи | св.
Потурчи многумина, сите. Го испотурчија целото село.
испотутка | св.
Истутка во голема мера. Го испотутка ливчето со телефонскиот број и го фрли.
испоубие | св.
Убие повеќемина, сите. Ги испоубија заробените војници.
испоумре | св.
За повеќемина ‒ умре во кус временски период. Испоумреа многу луѓе оваа зима.
испофали | св.
Пофали во голема мера. Сите што дојдоа го испофалија.
испофати | св.
Фати во голем број, сите. Е, вие ги испофаќавте сите риби, ништо не оставивте за другите! Полицијата ги испофати крадците.
