испремеша | св.
Измеша нешто премногу, измеша сè. Испремеша сè за да ја најде кутијата.
испремешаност | ж.
Состојба на тоа што е испремешано.
испренесе | св.
Пренесе многу нешта, сè со ред. Го испренесе целиот багаж.
испрепали се | св.
Се препали премногу. Се испрепали кога помисли колку ќе го чини сето тоа.
испрепише | св.
Препише многу текстови, препише сè. Ги испрепиша сите белешки.
испреплашеност | ж.
Состојба на тој што е испреплашен. Неговата испреплашеност се чувствуваше оддалеку.
испреплаши | св.
Исплаши некого премногу. Во мракот и мачка можеше да го испреплаши.
испреплете | св.
Преплете нешто во голема мера. Ја испреплете боцкавата жица.
испреплетеност | ж.
Состојба на тоа што е испреплетено. Испреплетеноста на културите ја усложнува ситуацијата.
испреплетка | св.
Исплетка нешто во голема мера. Мачето ги испреплетка конците.
