испретресе | св.

Темелно претресе. Сите ги испретресоа, но не најдоа ништо.

испречи | св.

Стави нешто напреку како пречка (на пат, на премин). Го испречи автомобилот на патот.

испржи | св.

Со пржење приготви јадење. Го испржи месото.

исприкаже | св.

Прикаже, раскаже многу нешта. Ми исприкажа што се случувало додека бев отсутен.

испришти се | св.

Се покрие со приштови. Од високата температура детето се испришти по лицето.

испркне | св.

Пркне, изникне, израсте во голема мера. Испркнал многу од минатата година до сега.

испрли | св.

Осмади, изгори влакна без да ја оштети кожата. Ја испрли закланата кокошка пред да ја стави да се вари. Си ја испрли раката од огинот.

испроба | св.

Обиде, проба повеќе нешта. Ги испроба сите видови колачи. Ги испроба сите модели што ги имаше во бутикот.

испровне (се) | св.

испровоцира | св.

Тие ја испровоцираа тепачката. Таа го испровоцира да каже повеќе отколку што требаше.