импресионизам | м.
Уметнички правец во Европа од крајот на XIX век кој се стреми кон слободно изразување на непосредните субјективни впечатоци и расположби од доживеаното и виденото.
импресионира | св. и несв.
Остава силен впечаток. Сакаше да ја импресионира со своето кавалерско однесување.
импресионист | м.
Приврзаник на импресионизмот во сликарството.
импресионистички | прид.
Што се однесува на импресионист и на импресиони Многу сликари се определуваат за импресионистички ликовни решенија.
импресија | ж.
Впечаток, претстава, влијание што го врши нешто (книга, слика, музика, пејзаж и сл.) врз некого. Часот го завршуваме со искажување импресии здобиени со читањето на драмското дело.
импресум | м.
Податоци во книга, списание и сл. за издавачот, уредникот, местото, годината на издавањето итн.
импровизатор | м.
Лице што импровизира, што изведува нешто без претходна подготовка. Најдобри импровизатори се професионалните народни пејачи и раскажувачи.
импровизација | ж.
Изведба без претходна подготовка и план. Квалитетот на импровизацијата зависи од мајсторството и талентот на исполнувачот.
импровизира | св. и несв.
Создаде, создава без претходна подготовка; изведе по сеќавање, спонтано. Ги развеселуваше своите другари додека импровизираше сцени од разни претстави и филмови.
импулс | м.
Поттик, внатрешна побуда, движечка сила да се постигне нешто. Хонорарот го предлагаме не како единствен импулс за работа, туку повеќе како признание за неа.
