кимка | ж.

Желба, намера за одмазда некому; желба да се напакости. Имам кимка на него.

кимка | несв.

кимне | св.

Со движење на главата изрази согласност или незадоволство, загриженост и сл.; поздрави со такво движење на главата. Таткото кимна со главата во знак на одобрување.

кимоно | ср.

Национална јапонска облека со широки ракави и широк појас околу половината.

Кина | ж.

Држава во Азија.

кинатица | ж.

Нива добиена со „кинење", со разорување на прелог или на ледина..

Кингстаун | м.

Главен град на Свети Винсент и Гренадини.

Кингстон | м.

Главен град на Јамајка.

кине | несв.

а) Со нагли движења прави нешто да биде во парчиња; разделува, раскинува. Таа ги кине писмата и ги пали едно по едно. Трњето му ги кинеа панталоните и кошулата. б) Прекинува на едно место или на повеќе места нешто што е поврзано, цело. Селаните кршеа огради низ лозјата, кинеа тељови, уриваа ѕидови.

кинезитерапија | ж.

Лекување на определени болести со помош на телесни вежби.