казарма | ж.
Касарна. Коњичка казарма.
казарница | ж.
Просторија во која е сместен казан за варење ракија. Напати одеше во казарницата каде што се вареше ракија.
Казахстан | м.
Држава во Азија.
казачок | м.
Руски и украински народен танц со брзо темпо и карактеристични потскокнувања.
каздиса | св.
Налути некого. Тие зборови го каздисаа.
казеин | м.
Белковинска супстанција во млекото; млечна белковина.
казино | ср.
Објект, просторија за забава; клуб.
казма | ж.
Алатка, тежок рачен копач. Удирав со казма по коренот што пуштил жили. Млад сум, не се плашам од казма и лопата.
казна | ж.
Мерка што се применува кон некого поради некаква вина, направен престап, пропуст, злосторство и сл. Парична казна. Смртна казна. Доживотна казна.
казнен | прид.
Што се однесува на казна и казнување. Казнена експедиција. Казнен завод.
