кодира | св. и несв.

Запише, запишува нешто со код; изрази, изразува нешто со код.

кодификационен | прид.

кодификација | ж.

Систематизација на правила, прописи и закони што се однесуваат на определена област од општествениот живот.

кодифицира | св. и несв.

Изврши, извршува кодификација. Тие ги кодифицираа новите закони.

кодош | м.

Клеветник, поткажувач. Кодошите го наклеветиле пред старешината.

кодоши | несв.

Клевети, поткажува. Постојано ги кодошеше кај наставниците.

кое | зам.

коегзистентен | прид.

Што се однесува на коегзистенција; што коегзистира, истовремен.

коегзистенција | ж.

Истовремено, напоредно постоење, заемно поднесување на различни нешта; истовременост. Во делото се гледа коегзистенција на две противречности.

коегзистира | несв.

Истовремено, напоредно постои (за различни нешта, состојби, лица, општествени заедници, општествени системи). Вредностите во творештвото не се негираат меѓу себе, туку – обратно – коегзистираат.