коледарски | прид.

Што се однесува на Коледе. Коледарски песни. Коледарски оган. Коледарски колачи.

коледачка | ж.

Палка со којашто коледарот чука на порта кога пее коледарски песни. Коледарчињата силно чукаат со коледачките.

коледашка | ж.

а) Лепче што го меси домаќинката за децата (за секого по едно) пред Божиќ и Велигден. Мајката им подели на ќерките по една коледашка. б) Даровите со кои домаќинката ги дарува коледарите: ореви, костени, крушки, пари и сл.

коледе | ср.

Денот пред Рождество Христово, поврзан со традиционални обичаи. На коледе луѓето треба да се дома. Собираат дрва за коледе.

коледен | прид.

Што се однесува на коледе; Коледни празници. Коледни обреди.

коледица | ж.

коледува | несв.

Посетува домови на коледе, пее коледарски песни и исполнува коледарски обичаи. Мажите одат по куќите да коледуваат. Децата цел ден коледуваа.

колеж | м.

Колење; коле.

колектив | м.

а) Заедница воопшто. Народна заедница. Етничка заедница. б) Група луѓе здружени со заедничка работа, заеднички интерес или со заедничка цел. Училиштен колектив. Фабрички колектив. Работен колектив. Авторски колектив.

колективен | прид.

Што се однесува на колектив, што е својствен на колектив, што му служи на колектив; заеднички, општ. Колективна одговорност. Колективна свест. Колективен труд.