колективизам | м.
Принцип на заемна помош и соработка на луѓето од еден колектив, преданост кон општите интереси. Во групата владееше дух на колективизам.
колективизација | ж.
Во некои поранешни социјалистички земји – насилно обединување на индивидуалните земјоделци во кооперативни стопанства, со подржавување на нивната земја и на средствата за производство. Колективизацијата наиде на огромни отпори.
колективизира | св. и несв.
Изврши, врши колективизација.
колектор | м.
Главна, собирна канализациска цевка во населено место.
колекционер | м.
Тој што собира реткости, уметнички предмети и др. за колекција. Соседот беше страстен колекционер на старини.
колекционерски | прид.
Што се однесува на колекционер и на колекционерство.
колекционерство | ср.
Дејност на колекционер; страст за собирање на некој вид предмети.
колекција | ж.
Збирка од собрани и подредени предмети, обично вредни, необични или ретки. Винска колекција. Ренесансна колекција слики. Нумизматичка колекција.
коленест | прид.
Што има свиткани, прекршени зглобови, споеви во вид на колена. Коленеста цевка.
коленик | м.
Полско тревно растение со непријатна миризба; Bifora radians.
