консумира | св. и несв.
Потроши, троши нешто (обично како храна, изеде, испие). Консумира алкохол.
контакт | м.
Допир, врска; дружење. Воспоставен контакт. Интимен контакт. Контакт на два јазика.
контактен | прид.
Што се однесува на контакт. Контактни точки. Контактна мрежа.
контактира | св. и несв.
Оствари, остварува врска со некого. Учителот контактирал со родителите на децата.
контаминација | ж.
Загадување со отровни, радиоактивни материи или со заразни бактерии. Радиоактивна контаминација на земјиштето.
контаминира | св. и несв.
Изврши, врши контаминација.
конте | ср.
Благородничка титула веднаш до маркиз; лицето што ја носи таа титула.
контекст | м.
Дел од текст (изговорен или напишан) од кој точно се определува значењето на една јазична единица (збор и др.) која е и самата вклучена во тој дел.
контекстуален | прид.
Што произлегува од контекст, што се однесува на контекст. Контекстуални врски. Контекстуален критериум.
контемплативен | прид.
Што е склон кон мисловно набљудување на светот; што се задлабочува во мисли за светот и животот.
