концесионер | м.

Тој што добил концесија.

концесија | ж.

Договор на власта (државна или општинска) со приватно лице или со странска фирма за давање на користење, под определени услови, претпријатие, земја и друг имот или за вршење некои работи.

концизен | прид.

Што е стегнат, збиен, кус и содржаен. Концизен договор. Концизен исказ.

конципира | св. и несв.

Направи, прави концепт на нешто.

концлогор | м.

Скратен назив за концентрационен логор.

кончарка | ж.

Штичка на која девојчињата ги виткаат конците за везење. Бабата ѝ купи шарена кончарка за да везе нишка по нишка.

конче | ср.

кончен | прид.

Што е направен од конец. Кончени чорапи. Кончена блуза.

кончест | прид.

Што е како конец; што е сличен на конец. Кончесто стебло. Кончесто тело.

конјугација | ж.

(грам.) Промена на глаголот по лице, број и време.