копилка | ж.
Женско вонбрачно дете. Копилката растеше поттурната од сите.
копилјак | м.
копилјана | ж.
Збирна им. за вонбрачни деца. Со копилјаната во селото никој не си играше.
копира | св. и несв.
Направи, прави копија од нешто. Ги копира фотографиите.
копитар | м.
Тревопасен цицач што има копита (коњ, зебра итн.) тревојади со копита.
копитен | прид.
Што има копита. Копитни животни.
копитница | ж.
Болест кај коњите од која им пукаат копитата. Чумата донесе копитница за коњите.
копито | ср.
Рожест израсток на крајот од ногата кај некои цицачи. Коњско копито. Еленски копита. Потковано копито.
копија | ж.
Точен препис на некој текст или документ. Копија на тестаментот.
копка | несв.
Копа по малку. Копка околу трендафилите.
