коштрав | прид.
Што е накострешен, наежен. Коштрави веѓи.
коштрава | ж.
Трева што расте како плевел со груби листови; Setaria verticillata.
коштрави се | несв.
Се ежи, се костреши. Детето се коштравеше на ветрот.
кошула | ж.
Машка облека со ракави за горниот дел од телото што се носи под палто, пуловер и сл. Кошула со куси ракави. Го дарува свекорот со кошула.
кошулица | ж.
Горен дел од бетонска плоча кој се прави да се израмни плочата, во кој се става материјал за изолација, а над кој се става подот.
кошулка | ж.
Дем и хип.
кошута | ж.
Женката на еленот; Cerva. Го погледнаа плашливите очи на кошутата.
кошутин | прид.
Што ѝ припаѓа на кошута, што е од кошута. Кошутино млеко.
кој | зам.
Именска заменка за лице
којнак | м.
Во игра – орев со кој се фрла во куп од ореви. Го крева „којнакот" од линијата, на која уште при првото фрлање е најблиску.
