кражба | ж.
Недозволено, скришно земање на нешто туѓо. Кражба на добиток. Ситна кражба. Провална кражба.
краина | ж.
Област, покраина, предел. Силен ветер дува над краината.
краишен | прид.
Што е на крајот, краен. Краишна област.
краиште | ср.
Крајниот дел на географска површина, на пр. крај на нива.
крак | м.
(дијал.) Нога. Крастата се ширеше по краците над колената.
крака | несв.
За кокошка – испушта глас, се огласува. Кокошките уплашено кракаа.
кракат | прид.
Што има долги нозе. Види го каков е кракат.
кракел | м.
Кука, ченгел.
кракле | ср.
Тој што има долги нозе. Што гледа во тоа кракле?
краклест | прид.
Што е со долги нозе. Краклест човек.
