куплерај | м.
Јавна куќа; бордел.
куплет | м.
Римувана строфа во два или четири стиха што содржи завршена мисла.
куплетист | м.
Автор или исполнител на куплети.
куплунг | м.
Спојка во автомобилот што сврзува две вратила кои ја пренесуваат погонската сила. Го притисна куплунгот и уфрли во брзина.
куповен | прид.
Што се однесува на купување, тоа со што се купува. Куповна моќ. Куповно средство.
купола | ж.
(архит.) Свод изѕидан во облик на полутопка над кружна или квадратна основа; кубе. Црковна купола.
купон | м.
Дел од вредносна хартија што се носи за наплата на достасана камата или дивиденда.
купопродажба | ж.
Спогодба меѓу две страни со која едната страна продава, а другата купува. Потпишаа договор за купопродажба.
купопродажен | прид.
Што се однесува на купопродажба. Купопродажен договор. Купопродажна цена.
купувач | м.
Тој што купува нешто. Купувач на недвижности. Постојан купувач.
