куп 1 | м.
Големо количество од несредени еднакви или различни нешта, истурени или нафрлени на едно место. Куп песок. Куп пченица. Куп јаболка. Куп алишта. Купишта хартија 2. Мало заоблено возвишение.
куп 2 | м.
Пехар како награда за најдобар резултат во спортско натпреварување. Нашата екипа го освои купот.
купа | ж.
куп.
купар | м.
Длабок сад за течност.
купе | ср.
Затворен оддел со седишта во вагон. Патуваме со воз во посебно купе.
купел | м.
Сад за крштавање.
купен | прид.
Што е набавен со купување. Купено палто. Купена куќа.
купечки | прид.
Што се купува, купен. Купечки чорапи. Купечки леб.
купи | св.
Добие во сопственост плаќајќи со пари. Ти купив басма. Купи пиперки од пазар. Ја купи нивата. Купи куќа на вересија.
купиште | ср.
Аугументатив од куп.
