кутел 2 | м.
Шевот на долниот спој на двете ногавици од панталоните. Ги скина панталоните на кутелот.
кутер | м.
Вид мал брод.
кутија | ж.
Предмет во облик на сандаче со капак од картон, дрво, лим и др. со различна намена. Резбана кутија. Кутија со бонбони. Кутија за чевли. Гласачка кутија.
кутина | несв.
кутинач | м.
Кај пушка, пиштол – чкрапец за пукање. Го притисна кутиначот и пукна.
кутка | несв.
кутканица | ж.
Борење.
кутлица | ж.
Плитко дрвено сандаче за брашно во воденицата.
кутмач | м.
Првото млеко од крава направено со јајца. Говедарот чека стелната крава да му се отели за да срка кутмач.
кутне | св.
Собори, падне, легне некого при борење. Со еден удар го кутна на земја. Болеста го кутна.
