карактеристичен | прид.
Што ја изразува суштината, основната црта на некого или на нешто, што претставува нечија карактеристика; својствен, типичен. Ме погледна со оној свој, карактеристичен, продорен поглед. Народот е полн со духовни богатства, интересни карактеристични својства и чудни обичаи.
карактерологија | ж.
Наука што ги проучува карактерите на поединци и групи.
каракул | м.
Вид овца со црно, виткано влакно; скапоцено црно, јагнешко крзно; астраган.
Каракум | м.
Пустина во Средна Азија.
каракуш | м.
Коскен израсток на скочниот зглоб од задната нога или на колено од коњ и заболување што го предизвикува тој израсток; мртва коска.
караман | м.
Вид куче, обично со црно влакно; име за куче со црно влакно.
караманка | ж.
Вид круша.
карамбол | м.
Во билијардот – вид игра со три кугли; судирање на куглите.
карамел | м.
Ретка, златнокафеава смеса со пријатен мирис, што се добива со загревање на гликоза или шеќер со млеко и се користи во слаткарството.
карамела | ж.
Вид бонбона од карамел. Децата ги разграбаа сите карамели.
