карбон | м.
(хем.) јаглерод.
карбонат | м.
Сол на јаглеродна киселина.
карбонизација | ж.
Процес на претворање на органски материи во јаглен.
карбонизира | св. и несв.
Изврши, врши карбонизација, претвори, претвора во јаглен.
карбонит | м.
Слаб рударски експлозив.
карбуратор | м.
Дел од мотор со внатрешно согорување во кој се врши претворање на течното гориво во смеса од гасови и воздух.
карван | м.
Колона од животни (коњи, камили и сл.) за превоз на стока и луѓе. Тука сретнаа карван од десетина маски и коњи.
карвансарај | м.
Гостилница со преноќиште, за одмор на патниците што патуваат со каравн и со голем двор за сместување на коњите и стоката.
карванџија | м.
Водач на карван.
карго | м.
Бродски товар; товар воопшто.
