катакомба | ж.
Подземни ходници и простории во кои првите христијани ги погребувале мртвите и се собирале за молитва.
каталепсија | ж.
Здрвеност на мускулите, неподвижност на телото што се јавува кај некои душевни заболувања и при длабока хипноза.
каталептичен | прид.
Што страда од каталепсија, предизвикан од каталепсија.
катализа | ж.
Забрзување или успорување на хемиската реакција под дејство на катализатор.
катализатор | м.
(хем.) Материја, супстанција што ја забрзува или успорува хемиската реакција, а при тоа останува непроменета.
каталитички | прид.
Што се однесува на катализа, што дејствува како катализатор. Каталитички особини.
каталог | м.
Список на предмети (обично со податоци за нив), составен на определен начин, што го олеснува нивното пребарување; индекс, регистар. Каталог на стари ракописи.
каталогизација | ж.
Систематско внесување во каталог на одредени податоци.
каталогизира | св. и несв.
Внесе, внесува во каталог.
Каталонија | ж.
Област во Шпанија.
