катана | ж.
Крупен коњ.
катанец | м.
Вид брава, подвижна метална направа за заклучување врата. На железните алки од вратата висеше 'рѓосан катанец.
катани се | несв.
Талка, оди без цел, скита.
катаплазма | ж.
Облога од топла каша што се става на заболено место.
катапулт | м.
(истор.) Воена опсадна направа за исфрлање камења, стрели и сл. врз непријателот што се користела во стариот век.
катапултура | св. и несв.
Исфрли, исфрла, одвои, одвојува со помош на катапулт.
катар | м.
Воспаление на слузницата на некој орган. Бронхијален катар. Катар на желудникот.
Катар | м.
Држава на Арабискиот Полуостров, Азија.
катаракта | ж.
Заматување на очната леќа, очно перде.
катарален | прид.
Што се однесува на катар, заболен од катар. Катарална кашлица. Катарално воспаление.
