ларва | ж.
Почетен степен во развојот на некои инсекти и животни (комарец, пчела, пеперутка, некои риби итн.) што многу се разликува од возрасните примероци. Ловеше риби на ларви. Ларвите на бумбарите причинуваат огромни штети.
ларвин | прид.
Што се однесува на ларва. Ларвин стадиум.
ларингален | прид.
Што се однесува на ларинксот.
ларингитис | м.
Воспаление на гркланот и грлото.
ларинкс | м.
ларпурлартизам | м.
Сфаќање дека уметноста треба да постои само заради уметноста и не смее да биде средство или цел на нешто друго. Приврзаник на ларпурлартизмот.
Ласа | ж.
Главен град на Тибет, Кина.
ласер | м.
Светлосен извор со кој од електромагнетната енергија се создава засилен сноп светлина со голема густина на енергијата, што има разорна сила. Кристален ласер. Полупроводнички ласер.
ласица | ж.
Вид грабливо животно од фамилијата куни со издолжено тело и долга опашка, со костенливо крзно на грбот и бело на предниот дел, што се храни со јајца или цица крв, Mustela nivalis. Ласица влегла во кокошарникот.
ласка 1 | несв.
Се додворува некому, дава некому комплименти за да го придобие. Вие ѝ ласкате на мојата суета.
