листопаден | прид.
За дрва и грмушки ‒ на кои им паѓаат лисјето.
лит | прид.
Што е тенко и ретко во ткаењето, што се реси, се кине (за алишта, материјал и сл.). Лито палтенце.
литак | м.
Традиционална (куса и без ракави) горна женска облека, направена од домашно волнено платно, сукно.
литанија | ж.
Вид црковна молитва што се изговара и пее, при што еден (обично свештеникот) поведува, а верниците во хор повторуваат.
литар | м.
Единица за мерење волумен на течности, изнесува еден кубен дециметар. Шише рум од литар. Литар ракија.
литарка | ж.
Вид двоструна тамбура.
Литванија | ж.
Држава во Европа.
литерарен | прид.
литерат | м.
Лице што се занимава со литература, главно со критика и со историја на литературата. Млади литерати
литература | ж.
Уметничко, јазично творештво на еден народ, една епоха, на целото човештво; книжевност. Љубител на литературата. Македонска литература.
