молзница | ж.
Животно што дава млеко, што се молзе. Крава молзница. Овца молзница. Тој ги пасе молзниците, а брат му јаловиците.
молзничар | м.
Тој што молзе.
моли 1 | несв.
Се обраќа некому со молба, бара од некого да направи нешто. Го молев да ме прими на разговор. Го молев да ми прости.
моли 2 | несв.
За молец – гризе ткаенини, волна и сл.
молибден | м.
Сребренобел цврст метал што се користи во техниката за изработување специјален челик; симбол Mo.
молибденов | прид.
Што содржи молибден, што е од молибден. Молибденов сулфид.
молив | м.
Средство за пишување, цртање, бележење и сл. што се состои од тенко графитно стапче или друг материјал во дрвена или пластична обвивка. Хемиски молив. Патент молив. Мек молив.
молика | ж.
Ендемично иглолисно дрво, вид бор што расте во Македонија (на планината Пелистер), Косово, Црна Гора и Албанија; Pinus peuce.
молира | св. и несв.
молитва | ж.
Обраќање со молба до Господ или до некој светец.
