монитор | м.
(техн.) а) Апарат во телевизиско студио за проверување на сликата. б) Компјутерски екран. в) Апарат за следење и контрола на одредени параметри што треба да се одржуваат во определени граници.
моно- | претс.
Како прв дел од сложенки со значење еден, единечен – означува дека тоа што се кажува со вториот дел од сложенката е едно, единствено, дека се однесува на едно лице или појава: моногамија, монолог, монотеизам, монолитен;
моноандрија | ж.
Брак во кој жената има само еден маж.
моногамен | прид.
Што се однесува на моногамија; што се засновува врз моногамија. Моногамен брак.
моногамист | м.
Приврзаник на моногамијата; оној кој има една жена.
моногамија | ж.
Брак помеѓу еден маж и една жена.
моногенеза | ж.
Самозачеток, бесполно размножување.
монограм | м.
Сплет од почетните букви на името и презимето, направен во еден потег во вид на венец, јазол, а служи како знак на сопственост на некој предмет, дел од облека и др. или на авторство на некое дело. Му подари шамивче со извезен монограм.
монографија | ж.
Поголем научен или стручен труд во кој исцрпно се обработува еден проблем (една појава, една личност, една област). Обемна монографија. Колективна монографија.
монографски | прид.
Што се однесува на монографија, што е како монографија. Монографски труд. Монографска обработка. Монографски студии. Монографско иследување.
