монотон | прид.
Еднозвучен. Монотон звук.
монотонија | ж.
Едноличност, еднообразност, здодевност. Доведе до монотонија. Ја разби монотонијата на секојдневјето.
монофазен | прид.
Монровија | ж.
Главен град на Либерија.
монструм | м.
Чудовиште, страшило; изрод.
монструозен | прид.
Што се однесува на монструм; чудовиштен, страшен; грд; изопачен, суров. Монструозен план. Монструозен експеримент. Монструозна идеја.
монсун | м.
Сезонски ветер од постојан тип во тропскиот и умерениот појас, кој зиме дува од копното кон морето, а лете во обратен правец и носат обилни дождови. Летни монсуни.
монтажа | ж.
Составување и поставување на машини, уреди и сл., оспособувајќи ги за дејство. Монтажата на машините ќе трае еден месец.
монтажен | прид.
Што се однесува на монтажа, што се создава со монтажа на одделни делови. Монтажен столб. Монтажна куќа. Монтажни елементи. Монтажна бина.
монтажер | м.
Работник што врши монтажа на филм.
