мудир | м.

мудрец | м.

Многу паметен, умен човек, со исклучително знаење и животно искуство; филозоф. Голем мудрец. Кралските мудреци. Итар Пејо е наш мудрец.

мудречки | прид.

Својствен на мудрец. Мудречко исчекување. Мудречка неизвесност.

мудроштина | ж.

Мудрост, голема памет, досетливост. Народната мудроштина.

мудрува | несв.

Се прави мудар, со важност го изнесува своето мислење за да направи впечаток на големо знаење и мудрост.

мудур | м.

Управник, старешина на област во турско време.

мудурлук | м.

Подрачје на власта на мудурот.

муезин | м.

Тој што ги повикува верниците на молитва од минарето на џамија.

мужде | ср.

Подарок за оној кој донел радосна вест, муштулок. Мислеше како некому да му земе мужде за доаѓањето на ранетиот.Собира муждиња.

муза | ж.

Божица, заштитничка на некоја уметност или наука, една од деветте Зевсови ќерки. Признава дека го бере она што го даваат музите. Музата на поетот. Музите молчат кога зборува оружјето.