невролог | м.
Лекар, специјалист за нервни болести.
неврологија | ж.
Наука за нервниот систем и за нервните болести.
невролошки | прид.
Што припаѓа, што се однесува на невролог и на неврологија.
невротичен | прид.
Што се однесува на нервите, нервен.
неврстен | прид.
Млад, на детска возраст. Неврстен син. Неврсни деца.
неврток | м.
Во изразот: четврток неврток (според народна приказна) – ден во кој не треба да се преде.
невтасан | прид.
Што не е втасан, неузреан; зелен. Сте ги обрале кајсиите невтасани.
невтасаник | м.
Брлив, будалест. Бери умот, невтасанику ниеден!
нега | ж.
Негување, грижа околу некого или околу нешто. Децата биле оставени без соодветна нега. Болничка нега. Интензивна нега.
негар | м.
Припадник на црната раса, црнец.
