недомаќински | прид.

Што се однесува на недомаќин и на недомаќинка. Недомаќински однос. Недомаќински разговор.

недоновче | ср.

Предвреме родено, недоносено дете

недоносен | прид.

Што не е доносен во утробата на мајка си; предвреме роден. Недоносено дете.

недоносче | ср.

недооден | прид.

Што не може да се дооди; бескраен. Недоодна рамница. Недоодни патишта.

недооран | прид.

Што не е изоран до крај. Недоорана нива.

недоотепан | прид.

Што не е доотепан, што е сè уште жив.

недооформен | прид.

Што не е сосема оформен, што не ја постигнал саканата, потребната форма. Недооформена скулптура. Недооформена реченица.

недооценет | прид.

Што не е доволно, соодветно оценет. Недооценет квалитет. Недооценета улога. Недооценет придонес.

недопадлив | прид.

Што нема квалитети за да се допадне; непривлечен. Недопадлива слика. Недопадлива облека.