недопуштен | прид.

Што не е допуштен, не е дозволен. Недопуштен потег. Недопуштен зафат.

недоразберија | ж.

недоразбирање | ср.

Неправилно, погрешно сфаќање, забуна при меѓусебно општење. Поради недоразбирање за денот на одржувањето, седницата е презакажана.

недоразбран | прид.

Што е недоволно разбран, сфатен. За многумина неговото искажување остана недоразбрано.

недоразвиен | прид.

Што не е доволно развиен, што не достигнал нормална развиеност. Недоравиен плод.

недораснат | прид.

Што уште не стигнал нормален раст, што не е пораснат. Недораснати момчиња.

недоречен | прид.

Што не е доречен, изречен до крај. Го прекинаа на недоречен збор.

недоруча | св.

Не се наруча доволно, не заврши со ручање. Кога го повикаа, недоруча и веднаш отиде.

недосеглив | прид.

Што не може да се досегне. Недосегливи облаци. Недосегливи височини. Недосегливи планински врвови.

недосетлив | прид.

Што не е досетлив. Што тешко наоѓа решенија.